អញ្ជើញចូលរួមពិធីប្រជុំផ្សព្វផ្សាយសេចក្តីសម្រេចរបស់រាជរដ្ឋាភិបាលកម្ពុជា
យើងខ្ញុំ សូមស្វាគម ចំពោះបងប្អូនប្រិយមិត្តទាំងអស់ ដែលបានចូលរួមអានព័ត៌មានផ្សេងៗ នៅក្នុងគេហទំព័រយើងខ្ញុំ សូមគោរពជូនពរដល់បងប្អូន អោយជួបប្រទះតែសេចក្តីសុខសេចក្តីចំរើនគ្រប់ៗគ្នា នឹងពុទ្ធពរទាំងឡាយ ៤ ប្រការគឺ៖ អាយុ វណ្ណៈ សុខៈ ពលៈ កំុបីឃ្លាងឃ្លៀតឡើយ ។ "សូមអរគុណ"
គេហទំព័រ (DARASTP-TVONLINE) យើងខ្ញុំ សូមស្វាគម បងប្អូនប្រិយមិត្ត ទាំងអស់ដែលបានចូលរួមអានព័ត៌មានផ្សេងៗ នៅក្នុងគេហទំព័រយើងខ្ញុំ សូមគោរពជូនពរដល់បងប្អូន អោយជួបប្រទះតែសេចក្តី សុខសេចក្តីចំរើនគ្រប់ៗគ្នា នឹងពុទ្ធពរទាំងឡាយ ៤ ប្រការគឺ៖ អាយុ វណ្ណៈ សុខៈ ពលៈ កំុបីឃ្លាងឃ្លៀតឡើយ ។ "សូមអរគុណ

អញ្ជើញចូលរួមពិធីប្រជុំផ្សព្វផ្សាយសេចក្តីសម្រេចរបស់រាជរដ្ឋាភិបាលកម្ពុជា

 ឯកឧត្តម ខាត់ សុធី អនុរដ្ឋលេខាធិការក្រសួងកសិកម្ម អញ្ជើញចូលរួមពិធីប្រជុំផ្សព្វផ្សាយសេចក្តីសម្រេចរបស់រាជរដ្ឋាភិបាលកម្ពុជា ស្តីពីការចាត់តាំងក្រុមការងាររាជរដ្ឋាភិបាលចុះមូលដ្ឋាន រាជធានីភ្នំពេញ

===============


នៅព្រឹកថ្ងៃទី០៨ ខែកុម្ភ: ឆ្នាំ ២០២៤នេះ ឯកឧត្តម ខាត់ សុធី អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ អញ្ជើញ ចូលរួមពិធីប្រជុំផ្សព្វផ្សាយសេចក្តីសម្រេចរបស់រាជរដ្ឋាភិបាល កម្ពុជា ស្តីពីការចាត់តាំងសមាសភាព ក្រុមការងាររាជរដ្ឋាភិបាល ចុះមូលដ្ឋានរាជធានីភ្នំពេញ ដែលបានប្រារព្ធធ្វើឡើងនៅសាល មហោស្រពចេនឡា នៃមជ្ឈមណ្ឌលវប្បធម៌ភ្នំពេញ  ។


កិច្ចប្រជុំនេះធ្វើឡើងក្រោមអធិបតីភាព ដ៏ខ្ពង់ខ្ពស់ពីសំណាក់ ឯកឧត្តមឧបនាយករដ្ឋមន្ត្រី  ស៊ុន ចាន់ថុល អនុប្រធានទី១ ក្រុមប្រឹក្សាអភិវឌ្ឍន៍កម្ពុជា និងជាប្រធានក្រុមការងាររាជរដ្ឋាភិបាល​ចុះមូលដ្ឋានរាជធានីភ្នំពេញ។


បើតាមសេចក្តីសម្រេច ស្តីពីការចាត់តាំងសមាសភាពក្រុមការងាររាជរដ្ឋាភិបាល ចុះមូលដ្ឋានខណ្ឌទាំង១៤ ក្នុងរាជធានីភ្នំពេញ ឯកឧត្តម ខាត់ សុធី ត្រូវបានចាត់តាំងជាអនុប្រធានក្រុមការងាររាជរដ្ឋាភិបាលចុះមូលដ្ឋានក្នុងខណ្ឌជ្រោយចង្វារ។


ក្នុងឱកាសនៃពិធីប្រជុំផ្សព្វផ្សាយនោះ ឯកឧត្តមឧបនាយករដ្ឋមន្ត្រី  ស៊ុន ចាន់ថុល បានអញ្ជើញធ្វើកិច្ចសំណេះសំណាល ជាមួយសមាជិកក្រុមការងារទាំងអស់ ដោយបាន គូសបញ្ជាក់ដល់ក្រុមការងារទាំង១៤ខណ្ឌ ឱ្យយកចិត្តទុកដាក់ សហការគ្នាជាមួយអាជ្ញាធរឱ្យបានល្អ បម្រើសេវាជូនពលរដ្ឋ ដោយស្មើភាព មិនប្រកាន់បក្ខពួក ត្រូវក្តាប់ឱ្យបាននូវព័ត៌មាន នៅមូលដ្ឋានឱ្យបានគ្រប់ជ្រុងជ្រោយ ជាពិសេសបញ្ហាប្រឈមនានា និងរាល់សំណូមពរពលរដ្ឋ គឺត្រូវតែមានដំណោះស្រាយ។


បន្ថែមពីលើនេះឯកឧត្តមឧបនាយករដ្ឋមន្ត្រី ក៏បានផ្តាំផ្ញើដល់ក្រុម ការងាររាជរដ្ឋាភិបាលចុះមូលដ្ឋានរាជធានីភ្នំពេញទាំងអស់ ត្រូវធ្វើការផ្សព្វផ្សាយឱ្យបានទូលំទូលាយដល់ពលរដ្ឋ ពីគោលនយោបាយបណ្តុះបណ្តាលជំនាញវិជ្ជាជីវៈដល់ យុវជន១,៥០០,០០០នាក់ ដែលមកដល់ពេលនេះ ឯកឧត្តមបញ្ជាក់ថា ទើបនឹងទទួលបានយុវជនចុះឈ្មោះចូលរៀន ប្រមាណជាង២០០០០នាក់ប៉ុណ្ណោះ។


ឯកឧត្តមលើកឡើងទៀតថា ការចុះឈ្មោះចូលរៀនជំនាញវិជ្ជាជីវៈ គឺដើម្បីជួយខ្លួនឯង ជួយគ្រួសារ និងជួយសង្គមជាតិទាំងមូល៕



Previous Post Next Post