ភ្នំពេញ ថ្ងៃទី២៣ ខែកញ្ញា ឆ្នាំ២០២២
ឯកឧត្ដម ឃួង ស្រេង អភិបាល នៃគណៈអភិបាលរាជធានីភ្នំពេញ និងជាប្រធានគណៈកម្មាធិការកាកបាទក្រហមកម្ពុជា រាជធានីភ្នំពេញ និងលោកជំទាវ ជា ស៊ីណា ឃួងស្រេង អញ្ជើញជួបសំណេះសំណាលសួរសុខទុក្ខបងប្អូនប្រជាពលរដ្ឋចំនួន ៣៨០គ្រួសារ ដែលប្រកបរបររើសអេតចាយ ក្នុងទីលានចាក់សំរាមខណ្ឌដង្កោ និងនាំយកនូវអំណោយដ៏ថ្លៃថ្លារបស់ សម្ដេចកិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ចែកជូនបងប្អូនដោយក្នុងមួយគ្រួសារៗទទួលបានអង្ករចំនួន ៣០គីឡូក្រាម ទឹកបរិសុទ្ធចំនួន ០១កេស មីចំនួន ០១កេស ត្រីខ កំប៉ុងចំនួន ០១យួរ ទឹកស៊ីអ៊ីវចំនួន ០១យួរ ទឹកត្រីចំនួន ០១យួរ និងថវិកា ៤០ ០០០រៀល នាព្រឹកថ្ងៃទី២៣ ខែកញ្ញា ឆ្នាំ២០២២។


