ពិធីផ្សព្វផ្សាយ«ការលើកកម្ពស់វិស័យទេសចរណ៍ និង ប្រឆាំងព័ត៌មានក្លែងក្លាយ»
ផ្សាយ ថ្ងៃទី ១៦ ខែ មករា ឆ្នាំ ២០២៥សាលចតុម្មុខមង្គល ភ្នំពេញ ថ្ងៃទី១៥ ខែមករា ឆ្នាំ២០២៥
លោករដ្ឋមន្រ្តី នេត្រ ភក្រ្តា មានប្រសាសន៍ថា ព័ត៌មានក្លែងក្លាយចែកចេញជាបីប្រភេទគឺ (១) ព័ត៌មានបំភ្លៃ, (២) ព័ត៌មានក្លែងបន្លំ, (៣) ព័ត៌មានភាន់ច្រឡំ។ ព័ត៌មានបន្លៃ និងព័ត៌មានក្លែងបន្លំ គឺបង្កើតឡើងក្នុងន័យទុចរឹត ដោយមានបង្កប់នូវបំណងអាក្រក់នៅក្នុងនឹងរួចស្រាចទៅហើយ។ រីឯព័ត៌មានភាន់ច្រឡំ គឺអចេតនា ដែលបង្កើតដោយចៃដន្យ ឬមានការខ្វះចន្លោះនៅកន្លែងហ្នឹង។ ព័ត៌មានបំភ្លៃ និងព័ត៌មានក្លែងបន្លំនេះ គឺត្រូវបានបង្កើតឡើងក្នុងទិសដៅ ទី១ ក្របខណ្ឌនយោបាយ,ទី២ ក្របខណ្ឌសេដ្ឋកិច្ច និងទី៣ នៅក្នុងគោលបំណងកេរ្តិ៍ កិត្តិយល បុគ្គល អង្គភាព និងស្ថាប័នតែម្តង ការបង្កើតនេះគឺមានទិសដៅជាក់លាក់ បើគិតពី MMO (Make Money Online) ការបង្កើតព័ត៌មានគឺមិនឈរលើក្រមសីលធម៌ គឺក្នុងទៅដៅតែមួយ ការយកនូវព័ត៌មានយកតែការ Like និង Share ក្នុងបណ្តាញសង្គម។ ព័ត៌មានក្លែងក្លាយមានការកើនឡើង ៤០០ករណី កំណើននៃព័ត៌មានក្លែងក្លាយនេះគឺធ្វើឲ្យបង្កើតនូវចលាចលធ្វើឲ្យមានភិតភ័យ ធ្វើឲ្យមានការខ្លាចរអា ព្រួយបារម្ភ បង្កើតឲ្យមានការសង្ស័យ ដែលជាការជៈឥទ្ធិពលទៅដល់អ្នកដែលគ្រោងធ្វើដំណើរទេសចរមកតាមតំបន់ ឬតាមប្រទេសផ្សេងៗ គិតថាវាជាព័ត៌មានត្រឹមត្រូវ ព័ត៌មានពិតប្រាកដ ដោយមិនបានគិតថារាល់ព័ត៌មានទាំងអស់នេះគឺជាព័ត៌មានក្លែងក្លាយនោះទេនៅពេលដែលទទួលព័ត៌មានតែមួយប្រភព។





